17 Giugno 2013

Felice in quanto cool

Il generoso Mike Jakeze me ga mandà via mail questo estratto de filosofia de vita decrescente misto porcina. Ah, quanta saggezza!

SON FELICE PERCHE’ SON CUL
di Mike Jakeze

Xe la decrescita, ma mi de ogi son felice. Perché? Go scoperto de esser cul, come i disi in America. Go pena leto sul Piccolo un articolo de un’esperta in ste robe cul, Arianna Boria. La scrivi che desso, in periodo de decrescita, xe
de moda far “declutering”, “downsizing”, “downschifting” e “delete”. Ciò, mi me son riconossudo in pien.
El “declutering” la disi che xe “liberarsi dal superfluo che ci circonda e ci zavorra”. Mi me son molà con mia moglie.
El “downsizing” la spiega che xe “riaccomodarci in spazi più piccoli e funzionali”. Mia moglie me ga fato taconar la casa del giudice e desso stago in una stanzeta in afito.
El “downshifting” saria “decelerare il ritmo lavorativo”. I me ga licenzià e desso fazo lavoreti in nero quando capita.
Far “delete” vol dir “liberarsi dei vestiti in eccesso” per seguir la “tendenza al minimal nell’abbigliamento”. Mi go portà quasi tuto del strazariol perché no gavevo bori per pagarghe i alimenti ala ex e se no ghe li pago no la me fa veder la fia.
Bon, sto articolo me ga fato capir perchè nissuna baba me ga pel cul. No son stà bon de valorizar tute ste robe ala moda dela mia vita. Desso in avanti ghe spiegherò a tute che xe tute robe cul.

Mike Jakeze

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Tag: , .

4 commenti a Felice in quanto cool

  1. aldo ha detto:

    un bel’esempio de come spesso el comico xe capace de rafigurar ben el tragico: nela situazion descrite dale batude i xe in tanti, purtropo!

  2. aldo ha detto:

    el problema sta tutto de che punto te fa “down” e “de”…

    …se te se buti dal’alto col paracadute te perdi in robe e te guadagni in vita, ma…

    …se te se buti dal basso te se schianti!

  3. Fiora ha detto:

    “desso in avanti ghe spiegherò a tute che xè robe tute cul”
    Eh! mi go ‘ssai paura che tute ste robe cul ale babe possi no farghe colpo se a contarghele xè un cisto 🙁

  4. Fiora ha detto:

    se cavarse tuto xè cul, ma che vita de cul xè?

Lascia un commento

Il tuo indirizzo email non sarà pubblicato. I campi obbligatori sono contrassegnati *