10 agosto 2012

Le zinque bici diventa sete. El diario in direta online dela rumizada Trieste-Cracovia

Ciau! Bon dei, se parti de novo anche sto anno per una nova rumizada. Sto giro andemo verso (verso perchè no son miga convinto che riveremo :P) Cracovia. Partenza domani sabato 11 agosto ale ore 9.00 in Piaza Unità, se qualchidun vol vegnir a saludarne o tirarne un do pomidori (che ne pol anche servir per el pranzo, in caso). Prima tapa Logatec. Cioè tipo che la prima tapa sarà repete de questa. Poi se passa per Lubiana, Maribor, Bratislava al quinto giorno, poi sul confin tra Austria e Ungheria, poi monti Tatra, Polonia e Cracovia al decimo giorno. Circa dei. Ritorno in pullman Cracovia-Udine (sì, esisti), impareremo sul posto a inscatolar le bici, speremo. E se no no so dei, inventeremo qualcossa, no ve libererè cussì facile de noi. 😉
Chi semo? una clapa-barzeleta: xe un biologo, un chimico, un ingegner, un storico, un dotor in scienze del’interculturalità, un in letere moderne e un in discipline del cinema. Nomi in ordine de ruolo nela barzeleta: Diego Manna, Massimo Rigo, Riccardo “Cionn” Ferrari, Marco Massimiliani, Stephane “Pasta” Pasticier, Paolo Stanese e Michele “Chucketti” Zazzara. Quatro oberdanini e tre del Galilei. Grande assente che iera l’altro giro a Budapest: Eric Medvet. Pecà (se no altro perchè cussì i oberdanini iera ben 5) 🙁
Sto anno el nostro ingegnere Cionn (Cionn:noi=Data:Goonies) el se ga scadenà.
Alora chi che vol poderà seguir el nostro viagio quasi in direta (Eh so, imagino che sarà la prima roba che fe apena svei e l’ultima prima de andar a dormir):
Qua xe sto coso che in pratica ogni tanto Cionn lo agiorna con la nostra posizion, cussì podè veder dove semo e ciorne pel fioco:

GPS tracking powered by InstaMapper.com

Poi qua podè seguir i agiornamenti scriti, le foto, i anedoti. Insoma sula pagina facebook de Zinque bici, do veci e una galina con do teste (libro che trovè in libreria tra l’altro, publicità oculta :P)

E qua infine xe el quel tuitter:

Ben bon. Mi tendenzialmente in mezo ala natura me inselvadigherò e no sarò ‘ssai presente online, ma qualchidun dei altri sicuro agiornerà, quindi se gavè voia e piazer butè un ocio ogni tanto, cussì savè chi xe cascà e ga de butar de bever 😉
Ciau!!!

P.S. Eco una foto per capir el livelo de serietà. Qua semo in riunion per valutar el percorso 😀

Tag: , , .

19 commenti a Le zinque bici diventa sete. El diario in direta online dela rumizada Trieste-Cracovia

  1. michele zazzara

    http://www.facebook.com/events/260488557401604/ taaaac! anche l’evento su FB

  2. aldo

    Grande: el ciclo-remake de “I magnifici sette”!

    Nela foto porno-soft el più abronzà xe Diego: onore e gloria!
    Altri xe ciareti: cossa i ga fato in sti mesi?
    i ga perso tempo in monade inveze de presentarse sul posto de lavor al bagno?

  3. eheheh 🙂
    cmq agiorno:
    no tuti tornemo a udine (tra l’altro semo timorosi del’acoglienza :P), el mulo massimo prosegui in furgon/treno/diavolerie per germania, danimarca, olanda, belgio, quelchexe, svizera, francia. ciò. rulez.

  4. siani

    siani pronto a partir!!!!!!

  5. dimaco il discolo

    @3 ve speterà cole panoce e il frico. e dovarè magnarlo e cantar fuarce friul 😀

  6. Eric

    Ahhh, maledizione!

  7. Enrico Ferrari

    Incomicia l’avventura!

    Partito da casa alle 8 e mezza.
    http://www.flickr.com/photos/[email protected]/sets/72157631012830730/

  8. Fiora

    Che sireneti ara! e dopo le hungaro, se le cici-polach-ine no xè orbe ,la rapresentativa ziclonatopatoca ris’cia de far la sua “porca” figura!
    Bona rumizada, GRANDI! 🙂

  9. Enrico Ferrari

    Bravi, vedo che siete già sul confine con l’Austria.
    Stasera l’imbarazzo tra Lasko e Villacher!

  10. Rena

    Grandi muli! Un saluto da Dubrovnik – come Siani sa, semo in ritorno dal Montenegro, noialtri però in auto 🙂 Rena e Cris

  11. Siani

    fata la xe!!!!!! :-))))))

  12. susta

    B R A V I M U L I ! ! !
    🙂 🙂 🙂 🙂 🙂 🙂 🙂

  13. aldo

    ciò, grandi…ma, desso che se rivai gavessi una domanda tecnica: xe meio le slovache o le polache?

  14. Fiora

    orpo ciò ,de zinque che le iera ,le bici xè diventade sete! imagino un’adeguada moltiplicazion dele bire,anca..bon dei a un passo dala divinità…per pani e pessi ci stiamo atrezando… 😉

  15. bon muli, ultima note a cracovia, doman tornemo in pulmin, forsi se femo molar a barcola se no xe tropo tardi, ma no savemo, sara’ quasi sicuro tardon. pero’ un clanfin de chiusura ghe stassi…
    tuto mitico, super viagio, dala prox setimana publico el diario online 🙂
    torno con una vita in meno, capitan harlock me disi che me ne resta 6, ve contero’ 😉

  16. Fiora

    @15 chi vita da mediano, chi vita de ziclonauta…mi penso che con questa esperienza ,per ti le vite de viver xè semai oto.
    Bentornà,Diego! 🙂

  17. Fiora

    Sete,sie,oto…a dar i numeri che no ne bechi la sindrome del Pidiele,ciò!

  18. ufo

    Ma el raporto del cambio che gavè usà in pianura xe 23 a 2?

  19. dimaco il discolo

    gioghili al loto fiora

Lascia un commento

Il tuo indirizzo email non sarà pubblicato. I campi obbligatori sono contrassegnati *