Ciò. Questa xe epocale. Grazie a Pietro Faraguna per la segnalazion su facebook, altrimenti no gavessi mai savudo de questa roba mitica. Desso me xe vegnuda de colpo una gran voia de iscriverme ala Bavisela. Mal che vadi faremo la Bevisela 🙂 (sì, sì, xe un viz vecio, so, però no el xe mai stà cussì contestualizà come sto giro 😀 )
Eco qua cossa xe nel pacco-gara del vero maratoneta dela maratona triestina: no gatorade, no monade, no rigassificatori, ma vera energia. Una latina de Laško. Grandi. Veramente, come ga scrito Pietro, “solo a Trieste”.
Del resto la Laško za de tempo contribuissi al’amore dela gente per el sport. Eco un’altra foto rubada del web che no pol far altro che farne diventar tuti de colpo apassionai de beach-volley 😀
Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la
e zonto che i sardoni barcolani vivi xe stadi profetici:
“giovine triestin
mi son ‘ssai sportivo
coro la bavisela
bevendo lasko pivo!”
orpo! par che sia passà zento ani de quando che i gavèva tacà un bièco sula scrita in sloven che iera sula maieta.
Se iera ancor quei là, i gavessi messo un tacomaco dela (bira) moretti sora dela latina.
Anche alla Koper-Muggia all’arrivo danno la birra, cio corer mete sede!!
co iero a Guca (2004) sula bira BIP iera scrito: “La bibita uficiale degli atleti serbi alle Olimpiadi”
Grandissimi!!! Altro che quei beveroni energetici! (sarà per quel che quel anno la serbia no ga vinto gnanche una medaia?)
Tanto me la magnifichè, che finirà che tradirò la Cocayankee per un sluc de sta Lasko e farò come Druse Mirko col cafelate in Café Speci ” mi ga bevudo che iera bon!”
cocayankee?? Fiora, dei, no digo Lsko, ma almeno bevi Cockta!
Io ho sempre saputo che una bella birra è una manna per eliminare l’acido lattico da allenamento 😉
Io sapevo che la schiuma faceva rima con mastoplastica additiva.
Anche se i dati me smentissi
http://www.targetmap.com/viewer.aspx?reportId=5285
http://it.wikipedia.org/wiki/File:Map_of_world_by_beer_consumption.png
gavessì preferì una Dreher made in Trieste