21 Marzo 2012

La muleria de Trieste: babe moderne, questione di stile

Bit ci manda questa importante analisi socioantropologica dele nuove mulete triestine. Ocio!

Donne di facili costumi.
(No oche, che lore se evolvi e le monta sandali. Vedi foto.)
di Bit

E digo: no se pol più.
Che non xe facile vestirse savemo, ma…
Zotolavo, per butar l’ocio, sabo sera tra piaza United Square e piaza Doberdan: mulete con cica in boca, piene de busi, con cadenazi tacadi su naso, rece, lingua e anche un metro soto.
Tute in braghe de lavor (li ciama “jeans”), col cul mezo fora; ai pie scarpe de ora de ginastica. Qualcheduna con lumini sui tachi! ossignor.
Xe confermà che no ghe xe più le babe de classe.
La baba, come disi mio ‘mico Fabri, devi esser in cotole e, in ‘sta stagion, cole calze a rede. E taco 12. Cussì ne piasi.
E con portamento de principessa Sissi.
Altro che due straze cinesi butade sula goba, con sti “jeans” sbregadi e, obrobrio, in està, japanche per cipele. Con bela mostra dei dei ingropadi e lunga fila de cali.
In ogni posto frequentà la baba devi presentarse come SIGNORA e, per questo, se poni l’obligo del decoro urbano (un Regio Decreto Cosolini?); che saria ssai meo che multar chi fa due schize impelenti de pipì per strada!
Quindi, per premunirse ale prosime tociate al Pedocin, dove la classe no xe acqua (ma gnanche spitz), mi consiglio de prenotar questo acesorio FONDAMENTALE per far lepa figura.
Ps. (che no saria pis) zonto foto cipele:

Bit

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , .

24 commenti a La muleria de Trieste: babe moderne, questione di stile

  1. aldo ha detto:

    xe la tipologia “strafanic” o una nova?

  2. aldo ha detto:

    a proposito de “strafanic”…

    …go visto una squinzia tuta tirada con una maieta atilada con su scrito in rosa “strafanic”, con un cuoricin al posto del puntin sula i…

    …queste xe robe che servi per el decoro urbano e per far vegnir qua turisti!

  3. sfsn ha detto:

    mi go visto una maia strafiga (scrita in triestin): “Mi no vardo google: mia moglie sa tuto”

  4. Fiora ha detto:

    @3 mi no meto maie cole scrite perchè le trovo tute banali, ma questa che te citi ti sfsn la me par la più valida e nei secoli perene come le tavole de Mosè!… me piaseria petarghela a chi che so mi

  5. capitano ha detto:

    No per far polemica, ma ghe trovo una sottile vena maschilista in sto post. Le babe in cotole? E magari anche a casa a far de magnar e starghe drio i fioi?

  6. Kaiokasin ha detto:

    Oltre al maschilismo, me par anche scientificamente poco aprofondito: in piaza Doberdan xe una tipologia de mulette con cadenazi, pirsing, orecini dapertuto, ma in United Square, Cape of Square e Bag Square xe tut’altra tipologia, ‘ssai più taccuta, per no dir de Cavana Place dove cambia ancora completamente. Insoma, urgi un’analisi più detagliata!

  7. baba in cotola ha detto:

    Ciò, capitano, oltre a lavoràr, starghe drio ai fioi, e al marì (che nol scampi) farse lepe, cossa ti vol che femo?
    Concordo con Kaio Kasin, bisogna far na mappatura dela tipologia dele babe, distinte par zona de stazionamento, tipo piàn regolatòr del luk!!!

  8. Chanel Slavich ha detto:

    Lo style recensito da Bit io lo definisco “square”, nel senso che è tipico di ragazze che la sera/notte stanno in piazza, a Trieste in Piazza Oberdan e in Piazza Unità. Tra le square ci sono le strafanic, ma anche altri generi come le coatte o le emo.
    Lo style preferito da Bit, calze a rete e tacco 12, io lo definisco “tangenziale”, ormai difficile da trovare a Trieste e più diffuso nelle zone rurali del Friuli.
    Una squinzia doc,sempre con un dress code sexy-elegant, non è nè square nè tangenziale, ma clubbing, nel senso che va da un club all’altro, a Trieste quelli nella zona attorno a Piazza della Borsa in fase pre-party e poi, in fase party, fuori Trieste o, a Trieste, al Caffè Rossetti o al Colonial. In primavera-estate il must è il Castello di San Giusto, dove, non a caso, si è tenuto anche l’ultimo party della Be Nice. Se qualcuno c’e stato, allora ci siamo visti là. Kisses!!!

  9. capitano ha detto:

    Lo stile “tangenziale” xe più de “grande viabilità”?

  10. alpino ha detto:

    ma sto articolo diseme la verità lo ga scritto un de 40 anni che varda le babette de 20? da come che el scrivi….
    Comunque SFSN fantastica la maieta de google…la voio!!

  11. alpino ha detto:

    Capitano te vojo ben!!

  12. Fiora ha detto:

    cocole tute, ma quela dela uxor sapiens la resta la meio!

  13. aldo ha detto:

    Legendo i comenti, me xe vegnude dele domandine:

    a) Diego Manna sa chi xe Bit?

    b) se la risposta a) xe si, Bit sa chi xe Chanel Slavich?

    c) xe vero el gossip che al model party dela Be Nice in castel de San Giusto ghe iera anche un ex asesor dela precedente giunta comunale che per andar là xe filà via dala festa eletorale in fiera del PDL-Trieste e che sto ex asesor xe un che ogni tanto scrivi anca qua?

    d) se c) xe vero el ne podesi far una relazion scientifica sul CTF Factor presente?

  14. bit ha detto:

    Ma insoma.
    Uno (nela sputaspecie mi), no po far un reportage -invero un poco carigado, style picolo quotidiano- che se ciapa subito de (porco) maschilista e (porco) piedofilo…
    Me piaseva le foto, ma non le gavè aprezade né comentade..
    Alora me buterò su teoremi socio-pissicologici.
    Ciao

    Ps. @ (vs.) Aldo
    Domande legitime anche se, in partenza, tropo contorte.
    a: No
    b: No
    c: No so, ma non son quel
    d: Quindi no se poni
    Negar sempre?… ma xe tuto vero.

  15. dimaco il discolo ha detto:

    le maiete me par, ma diego savarà meio de mi ste robe, ricky malva. almeno cussì me ga contado.

  16. dimaco il discolo ha detto:

    4
    Fiora
    21 marzo 2012, 08:02

    @3 mi no meto maie cole scrite perchè le trovo tute banali,

    infati noi preferimo senza. no se perdi tanto tempo.

  17. aldo ha detto:

    @15 Bit

    A mi el reportage e le foto me xe piasude, ma…

    …come la publicità xe l’anima del comercio se sa che la polemica xe l’anima del thread e…

    …le mie domandine più che legitime iera indiscrete, ma al nobile scopo de alimentar el gossip patoco!

  18. aldo ha detto:

    @3 Fiora @17 Dimaco

    xe mejo le scrite senza maie anche perchè questa xe una roba non banale

  19. Fiora ha detto:

    @17 e 19 dimaco & Aldo dopo che gavevo butà via la prima, la nova domanda per le monighe speta solo la mia firma….
    😀 😀 😀

  20. dimaco il discolo ha detto:

    fioera cara, ma ti no te vendi strazze ala moda? roba per serate apolidi e giovani apolidi?

  21. ufo ha detto:

    Podessimo meter su una cooperativa un poco equa e un poco solidale e far un biznis: la Fiora che la vendi al publico maiete senza scrita, e noi che ghe vendemo dopo el ‘valore aggiunto’: scrite senza maieta per maiete in zerca de una scrita morbina…

    Come dir che ghe lasassimo el hardware a chi che xe del mestier, e piutosto se metemo a far software, che no cori machinari ne investimenti, pura conoscenza o come che i disi in Area – ‘nau hau’!

  22. capitano ha detto:

    La maieta de Bora.la?
    Coi migliori comenti dei ultimi anni?

  23. Fiora ha detto:

    @ 21 maiete trendy con scrite amicanti… magari, dimaco, magari…purtropo el target xè ‘ssai più severo… sielte familiari e impostazioni precedenti. Capita! 🙁

    scrite senza maieta…beh sepòl! se metemo d’acordo con Rudy ch’el ne tatui un bel W.bora.la ognidun ‘ndove che ghe ispira… 😉
    Risparmio è primo guadagno. te spendi una volta e no te ghe pensi più.

Lascia un commento

Il tuo indirizzo email non sarà pubblicato. I campi obbligatori sono contrassegnati *