Bora surfing in skate e manighi de scova

di Diego Manna

Rulez. Questo entra de dirito nela galeria (del vento) dei eroi triestini. Un mito! Ciò. Chi xe? Chi lo conosi?
Intanto i me disi che semo al undicesimo giorno de bora. No go controlà, qualchidun disi al nono. Comunque i veci in coriera me ga dito che la sufia a multipli de 3: o 3 o 6 o 9 giorni. Dopo nissun ga mai visto/no se ga mai fato/no se pol/volentieri. Riveremo a 12 o a 15?

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook

martedì 7 febbraio 2012

Altri articoli su questi argomenti: bora surfing,eroe triestin

35 Commenti

Diego Manna

7 febbraio 2012, 16:37

sto mato xe tropo un mito.
eco la fanpage su facebuk:
https://www.facebook.com/pages/Bora-surfer/325715624138496
lol

capitano

7 febbraio 2012, 17:22

Genio assoluto.
Spetemo con ansia la version Kite.

Danilo Ulcigrai

7 febbraio 2012, 17:28

Redazion: qua urgi un’intervista a questo ARTISTA! Trovemolo!

Diego Manna

7 febbraio 2012, 17:33

za trovado e contatado
vedemo se el vien a palesarse

Fiora

7 febbraio 2012, 18:13

dio daghi ch’el se palesi! sto campion de inventiva e morbin che aservisi la furia del elemento più peculiare dele nostre terre !
Ciò a parte i scherzi, sgaissimo el mulo!

sfsn

7 febbraio 2012, 18:27

xe dai tempi dela contessa che no se vedeva una sagoma del genere!

Fiora

7 febbraio 2012, 18:33

@6 vero sfsn ..no xè più le “contesse” de una volta! Granda,toco,col daùr de brenta ‘ntei vestiti d’epoca sempre diversi, in man el pacheto cole quatro pastine dela Bomboniera, la me pasava ‘vanti la botega,…me par de vederla, ara!
Bon, indiferente e largo ai street bora surfers!

sfsn

7 febbraio 2012, 18:37

mi i me ga dito che co la xe defonta la ga lassà puf dapertuto…

Fiora

7 febbraio 2012, 18:45

GRANDA pò! …come che go dito mi

siani

7 febbraio 2012, 23:32

un genio!!!!!
p.s.: no son convinto de voler veder rispetada la regola dei giorni de bora multipli de 3… dirìa che va ben anca se se ferma prima

aldo

8 febbraio 2012, 00:33

bombastico…anzi bobastico!

e go paura che el poderà alenarse ancora per tutta la settimana, almeno secondo le previsioni…

notevole anche el comento in sotofondo “con i manighi…con i manici de scova”, stile Casa Stipanchich

Fiora

8 febbraio 2012, 06:46

TUTI DEVI VEDERLO EL NOSTRO TEMERARIO E GENIALE MULO!!!
A ciò che i foresti SAPI CHI CHE SEMO e cossa che semo boni de far. Zogar con la temibile Nostra Signora “per le strade per le rive di Trieste”, mentre i no locals finissi col cul per tera !
Beh! anche qualchedun dei nostri,dei!ma no ‘cori miga contar propio tuto!
Propono Olimpiade Invernal de Bora sufing in abinamento con quela estiva dele Clanfe , senza dimenticarse de quela dele pissade del Molo S. Carlo, con data intermedia de destinarse.
E cussì noialtri no se femo mancar gnente e…sensa domandarghe bori al Stato per la tutela dei endemismi minoritari!

Fiora

8 febbraio 2012, 10:53

@Diego Manna, per bon, ti che ribaltando el deto,”zento te pensi…”, inveze “una (al giorno!)te pensi e zento te fa” no te podessi veder de organizar anche l’Olimpiade Invernale dela Bora e del Morbìn alias Bora surfing in skate con manighi de scova ?!

Diego Manna

8 febbraio 2012, 12:01

per mi se pol anca unirle ste robe. te rivi in skate fin la zima del molo audace e te se buti a clanfa. xe de tegnir conto sia del tempo che te ghe ga messo per rivar, sia del schizo oviamente.
volendo se pol anca implementar con el torneo de ufo, per veder chi la fa più lontan mentre el va in skate, ma me par che i muli xe avantagiai as usual

aldo, anca mi me ga sai piasso “con i manighi…con i manici de scova ciò!”. ogni tanto me la riascolto, mitica!

Fiora

8 febbraio 2012, 12:25

eco ,no te me ciapi sul serio,Diego
Xè de far tre eventi distinti e in stagioni distinte. Bora sufia de inverno per sburtar i skates. Clanfe col gelo…nosepol! e pissar col jazzo gavemo za chiarì che gnanca squasi no se riva .e in pien istà sul Molo S. Carlo gira tropa gente e po’ col caldo se i atleti sbaglia la mira…resta spuza per tera.
Insoma o se studia la Tripliade come tempi e metodi o che resti solo quela dele le Clanfe e po’ bon!

Fiora

8 febbraio 2012, 12:32

..forsi nissun de noi pisserà in Molo S. Carlo con l’ autorizazion e cola maieta social con sù scrito propedeutico/a,ma gare de skate cola bora e i manighi de scova, mi penso che se podessi per bon!
cossa i “coffe” del flash mob,no fussi interesai?

aldo

8 febbraio 2012, 15:00

bela sta sponsorizazion del molo Audace da parte dela San Carlo, quela dele patatine…

…se podesi domandarghe se ghe pol interesar sponsorizar anche una squadra de bora surfing, visto che za i sponsoriza due squadre de calcio e una de motociclismo

alpino

8 febbraio 2012, 15:06

con quel boron lui no rivava gnanca a far 10 metri senza sburtar…

sfsn

8 febbraio 2012, 15:35

alpino, gabbi rispeto dei supereroi!!!

Giampaolo Lonzar

8 febbraio 2012, 15:42

@ DIEGO MANNA – BORA – … no multipli de 3 ma
dispari 1,3,5, 7 ….

El mitico 1929′ mia mama me diseva ke la ga sufià 21 giorni e sempre sotozero, e ga maza
tutti i ulivi da Trieste fin in Istria……

Diego Manna

8 febbraio 2012, 15:46

@20:
eh anca mi go sentì anca sta version.

desso per sicureza ghe go chiesto al museo dela bora quale xe giusta
21 in fondo xe anca multiplo de 3, quindi ne servi altri riscontri

sfsn

8 febbraio 2012, 15:50

ostia mare, no suffierà miga 3 mesi? ah no, che cul: 31+31+29 no xe divisibile per 3.

aldo

8 febbraio 2012, 16:08

a mi me risulta che i giorni de bora segui la sequenza de Fibonacci: 1,2,3,5,8,13,21,……

sfsn

8 febbraio 2012, 16:11

secondo mi no sufia esatamente ogni 3 giorni, sufia ogni 3,14159265358979…

aldo

8 febbraio 2012, 16:21

ma qel no xe el pi greco?
val per el vento grecale, no credo per la bora

sfsn

8 febbraio 2012, 17:14

pi grego… altrimenti parlemo de fiboracci

alpino

8 febbraio 2012, 19:26

la bora catabatico soffia fino a quando sussiste una differenza barica..le teorie dei numeretti fanno ridere.

sfsn

9 febbraio 2012, 11:22

cossa catabatico e ana(l)batico: la bora sufia forte ogni 666 giorni!

aldo

9 febbraio 2012, 14:26

Bora: the Beast
North-North-East

Fiora

9 febbraio 2012, 14:41

@29 Tasi Aldo! no dir…bestialità!
qua a parte mi, xè tuti del Bora fan club…co’ la sufia, per no tolarse bisognerà che se guantemo noi do’un co’ l’altra…perché i ultras qua capaci de dirne ” ah, BEAST la xè per voi ? RANGITE”

aldo

9 febbraio 2012, 16:10

no te va ben la bora? ‘lora va a bora-bora, ciò!

Fiora

9 febbraio 2012, 18:46

tu quoque bora fan, Aldo? sono perduta! ;-(
basta ,no voio restar isolada : ADORO (gulp!) LA BORAAAAA!

aldo

10 febbraio 2012, 01:28

mi credo che quei che disi che ghe piasi la bora i lo disi solo per insempiarne

Fiora

10 febbraio 2012, 08:28

@33 ah eco, volevo ben dir…