28 Giugno 2011

Le invasioni furlaniche: Trieste sconta in Colombia

Nuova missiva dal fronte da parte del nostro T. Patoco, alle prese col suo Esercito Patockista di Liberazione Furlanica contro la sempre viva minaccia lanfur. L’ultima volta si era candidato sindaco ed aveva scoperto che Trieste era scomparsa dalle carte del meteo. Ora sembra averla ritrovata…scopriamo dove:

Carisimi concitati concittadini patochi,

stavolta no ve scrivo par agiornarve su cossa che nassi qua al fronte, ma pitosto per sinzierarme che voi stè ben e che sè ancora tuti là. Sé ancora tuti là? I topolini xe là? Le miss topolini anca? Perchè se i ne frega i topolini za saria pecà, ma saria ancora più pecà se i ne fregaria anca le bele mule. Miramar xe sempre là? No, no son insempià ancora, ve fazo ste domande perché qua el nostro nucleo informatico “Intel Popocee” ga ‘pena scoverto una roba ‘ssai ma ‘ssai bruta, ‘ssai ma ‘ssai longhi. In pratica i me ga contà che intanto che i stava bazilando drio una nova ‘ssai complicata diavoleria informatica in internet che se ciama feisbuk, e dove che i passa gran parte dele giornade perché i disi che xe fondamentale per la nostra tatica, bravi muli che i segui sti aparechi moderni che mi no capisso. Bon, go perso el fil del discorso. Disevo: mentre i bazilava su sto feisbuk, i voleva crear la pagina dei fans del’EPLF per poi petarghe suso informazioni futizade par fregar i furlani un poco più ssai meo. Bon, al momento de sielzer la zità, i ga scrito “trieste” po’, e ghe xe vegnù fora 2 opzioni: “trieste, italy” e “trieste, colombia”. Remengo! In Colombia!  Alora i xe andai a zercar su un’altra diavoleria internet che mi no capisso, tale “gughelmap”, dove che pol esser trieste in colombia po’. e insoma dele some queste xe le do foto che xe vegnude fora de trieste in colombia.

Se cuchè, xe anca Miramar là vizin, per cui se trata propio dela nostra trieste, no se scampa. E la roba pezo xe de sicuro la seconda foto:


Vedè case? Vedè osmize? Vedè servola? Sentì la spuza dela feriera? Ah no quela dal computer i me disi che no se podaria sentir comunque. Bon, vedè i topolini? No, niente no ghe xe. Devi esser tuto sconto soto tera po’! Dove sé finidi miei cari concittadini?? I furlani ve ga becà e ve ga portà via e soterai tuti in colombia? Oh dio dio che brute robe, indifesi intanto che noi ierimo qua che pensavimo de far del ben. Ve prego, feve sentir, diseme che xe tuto un scherzo dei furlani che vol ficarnela e farne andar zercar fin in Colombia!

Noi semo qua, spetemo vostre notizie.

Per adesso viva l’EPLF!

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , .

13 commenti a Le invasioni furlaniche: Trieste sconta in Colombia

  1. Fiora ha detto:

    ..e sindaco i ga almeno? che se i gaveva un cola carozeria del nostro, se lo vedeva subito ‘ntela mapa brula & desolata…

  2. arlon ha detto:

    de trieste ghe ne xe per tuto, tipo sta qua in Florida http://goo.gl/maps/wOhu

    e ghe xe anche una specia de Bronx 😛 nel Utah, ciamado Little Trieste
    http://goo.gl/maps/Oy8Y

  3. chiara ha detto:

    xe anche porto novo, porto vecio i lo ga fato sparir perchè creava tropi casini? sgarbi el sa sta roba? bienale diffusa salta?

  4. feder ha detto:

    ou… ma al misto caldaia?

  5. Danilo Ulcigrai ha detto:

    Bon, gente, demose na mossa e vedemo de capir se qualchidun sa perché ‘sti posti se ciama cussì e se ghe xe triestini in zona. Mi ghe go scrito una mail al Distreto de Santander, in Colombia (i ga un sito internet governativo) ma no i me ga avudo gnanche pel cul.
    Anche perché bisogna avisar ‘sti concitadini che gavemo un sindaco novo e saria un’ocasion morbina per gemelarse.

  6. quel che sa ha detto:

    little trieste nel utah xe veramente un piccolo bronx,lo ga fondado un gruppo de legere,oviamente de trieste,con l’intento de far fortuna nel novo mondo,praticamente de ciapar pila senza far un zoca,ovviamente la vose ga girà,per el fatto che i se ga portà drio le mogli,tipiche babaze.. e de la a poco tare,nagane,bobe più o meno marze provenienti da qualsiasi rion se ga tasferido per tentar de ciapar la sua feta.ovimente little trieste iera un posto tropo picio per rivar a far affari in tanti e cussi tuti quei che de mestier i se ga dedicado al narcotraffico i ga deciso de trasferirse in colombia e fondar una nova comunità

  7. Fiora ha detto:

    bon go ‘vu el scup de un scampà.
    Lori gaveva fato tuto pulito Nova Trieste, tipo Niu Orlìns. Perfin Miramar i gaveva messo in pie. I se stava organisando per una simil Barcola , portando acqua e scoi de là vizìn. Feriera e spuza de pertinensa iera in programa… Insoma tuto pulito e in masimo ordine.
    Ne manca el Sindaco, fa un.
    Deto fato i fa aministrative e vien eleto un Comunista… Pel seguito vardar la seconda mapa…

  8. aldo ha detto:

    In Brasile, stato di San Paolo, città di Jarinu, c’è un quartiere (bairro) che si chiama Nova Trieste…come risulta dall’indirizzo di questo posto dove cucinano carne alla griglia (anche civapcici?):

    http://www.infoguiasaopaulo.com.br/nova-trieste/churrascarias/churrascaria-barril-grill-1.html

  9. aldo ha detto:

    Importanti novità a Nova Trieste, annunciate recentemente del sindaco Fàtima Lorencini:

    http://jarinu.sp.gov.br/Secretarias/Obras/page16.html

    In arrivo la richiesta a Cosolini di ridenominare la città “Vecia Trieste”.

  10. aldo ha detto:

    Altra notizia recente da Nova Trieste:

    Avenida Ticiano sarà pavimentata:
    http://emfocojornal.com/?p=676#more-676

  11. Fiora ha detto:

    ah che sollievo! ‘desso che par che gabi vinto Cosolini, per sfugir ale persecuzioni, se pol scampar nela Terra Promessa…

  12. El mulo mato ha detto:

    Fioi…..mi son sposà con una colombiana e son stado 7 volte in quel belisimo paese e de Trieste (a parte fora de la mia boca) no i gà mai sentì parlar….comunque stago indagando anche presso el consolato colombian de milan.
    A presto le prosime notizie

  13. dimaco ha detto:

    deso i lanfur i zerchera in amazzonia la nova udin che nel pasato se ciamava atlantide.

Lascia un commento

Il tuo indirizzo email non sarà pubblicato. I campi obbligatori sono contrassegnati *