13 Giugno 2011

La fine della campagna elettorale e l’analisi dei risultati intercettata per le strade di Trieste

Il nostro giorgio (no events) ci manda questo interessantissimo dialogo tra saggi intercettato per le vie di Trieste, subito dopo il ballottaggio…

– Alòra, i se gà imparentà o no? I gà scrito, sul giornal, che i dovèva imparentarse prima de domenica 21. Ma no go visto publicazioni!
– Gnente, no i gà fato un bel gnente. Parèva si, domenica prima de mezogiorno che fussi tuto pronto: xe rivà Fedriga vestì de festa, la Savino coi confeti e Antonione in auto coi fiori. Ma cò iera de tirar fora el “coredo” de dote, nissun se gà fato avanti. Solo la Lega ghe gà dito che i ghe portava un ministero…
– Ma mi savèvo zà de due setimane che vinzèva Roberto….
– Eh va ‘ssai ‘sto nome, ultimamente: Di Piazza, Cosolini, Anonione, Menia….
– A proposito, indove xe andà finir Menia, che no se vedi più in giro?
– Eh, xe propio lù che gavessi dovù diventar, se i fazèva el ministero dei “Italiani a Trieste” in Via Rossetti, indove che una volta iera le caserme e desso no xe che pantigane… .
– El ministero dei Italiani a Trieste? No gò inteso, sta qua!
– Dovè savèr che, dopo che la Lega-Lombarda ghe gà dito ai milanesi che se i votava per la Moratto, i ghe gavessi portà un per de ministeri a Milan, quei dela Lega-Lombarda de Trieste i gà copià e i se gà fato capir che a Trieste vigniva el “Ministero dei Italiani a Trieste” che xe come quel de Italiani al’estero, solo più vizin. E i lo gavessi messo in Via Rossetti e ministro i podèva far Menia che xe nato quasi in Italia, a Beluno.
– Ben pensada, cussì i fazèva star boni i futuristi e i gavessi fato votar per Antonione anche lori.
– Inveze, i gà fato el conto senza l’oste: cò Bandeli, che xe quel de quei altri…
– Ah! Bandeli no xe de la quela?
– No, lù ve xe de quel’altra. Cò el gà sentì, che Menia diventava Ministro per apogiar Antonione, el se gà impuntà: che alora, per pozarlo, lù e i sui de quel’altra, i vol el ministero dele Bavisele, che se podessi far al posto del stadio a Valmaura, che tanto no va nissun e i greghi xe in serie “C” opur a Monte Grisa che xe anche una bela vista….
Come ‘sta storia xe rivada nele rece del vescovo, xe partì una telefonada dela Curia a Palazzo Grazioli. Che va ben balar el bughi-bunga, che va ben divorziarse ogni volta, ma meter un ministero a Monte Grisa, pò no. Che se no i smentissi subito ‘sta storia, va finir mal!
– Eh! Cò se rabia el vescovo, xe bruto.
– Bruto? Xe impensabile, i gà dito a Roma. “Avete capito malamente” i ghe gà scrito al comitato de Antonione, che cussì se gà trovà senza ministeri e senza cartuce, la setimana prima del sbalotagio.
E cussì, per tentar el tuto per tuto, i gà tirà fora quei sempiezi del bilinguismo, dele mosche-e dei zingani…
– Come per farghe ciapar paura ai triestini, mi calcolo…. E del’altra parte i se gà imparentà?
– Con chi la vol che i se imparenti? Che iera zà tuti sora. Mancava solo quei dela metropolitana, la lista zala e i grili, ma zà cussì iera finì le careghe. “Solo posto in piedi” iera scrito su una tabela fora de palazo cheba lunedi 30 de sera.
E i dixi che la Bassa-Poropat se gà ‘ssai rabià quando, durante la festa per el risultato, Visioli gà portà, davanti el palazo dela provincia, un caval per farlo bever ala fontana e dopo lo gà ligà su quei tubi per le cadenele che xe intorno a piaza vitorio-veneto.

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , .

5 commenti a La fine della campagna elettorale e l’analisi dei risultati intercettata per le strade di Trieste

  1. Fiora ha detto:

    el iera in sandoli?
    Mio cugin ga dito se basta ciamarse Roby prosima volta me candido!

  2. Fiora ha detto:

    e l’unica vecia che i ga rivà guantar per menarla in segio, e che ga votà NO perchè la xè imbambinida e che per strada no la li ga podesto scoltar co’i la inzinganava pel SI’, per via che la xè anca sorda… cossa ‘ncora là la xè?

  3. aldo ha detto:

    “Visioli ga portà, davanti al palazo dela provincia, un caval per farlo bever ala fontana”

    Qua manca l’informazione più importante: Visioli è arrivato a cavallo in sandali o con gli stivali d’ordinanza?

  4. Fiora ha detto:

    st quesito sui sandoli sì , sandoli no, sta superando l’aspettativa dei sì e dei no dei referendum.

  5. Fiora ha detto:

    però sta nova che i triestini se ga messo a far ” brindisi coi bicchieri colmi d’acqua” …a titolo dimostrativo, come.
    Speremo che passi presto’sta moda e che tuto torni come che iera una volta: acqua fa buligar i budei e val più un bicer de dalmato che l’amor mio.

Lascia un commento

Il tuo indirizzo email non sarà pubblicato. I campi obbligatori sono contrassegnati *