25 Marzo 2011

I misteri di Trieste: i 17 anni più lunghi del mondo

Un nuovo entusiasmante mistero circonda una scritta sui muri di Trieste. A segnalarlo è Tommaso Scarcia, cantante dei Coroneo Salvation Army, che dice che questa scritta si trova in via Forlanini da almeno 20 anni.

I misteri sono tanti: chi xe Eric? Quanti anni el ga ‘desso? E chi ga fato 17 anni in tuto sto tempo? E che spray el ga usà che la scrita se vedi ancora ben? Xe tuto come sembra, o xe un messagio in codice? El numero 17 rappresenta qualcosa de nascosto? Ghe xe una relazion col famoso 23-2?

Al momento sono stati risolti i misteri di Robi cocal, dela curva bauca e dei criptici manifesti del Pdl, restano ancora oscuri il mistero di Mustaca Topone de gomma e delle malattie del povero Albano.

Hai scritto qualcosa (o fatto foto, o video, o pupoli…) di divertente/ironico/satirico su Trieste, Gorizia e dintorni? Mandacelo al Quel dela Quela! Scrivi a manna@bora.la

Quel dela Quela on Facebook
Tag: , , .

55 commenti a I misteri di Trieste: i 17 anni più lunghi del mondo

  1. Fiora ha detto:

    Chissà che malinconia passar de là per sta ex 17enne, ormai carampana con vinti ani e vinti chili in più, magari coniugada con tale Ucio-col-bulbo e ripensar ogni volta a quel ” tuo Eric” che ghe gaveva scrito sul muro i auguri cola pitura indelebile come el ricordo del primo amor…

  2. dimaco ha detto:

    magari lo ga sposado.

  3. maja ha detto:

    Fiora, ma come xe, ciò? Carampana a 37 anni? Una mula nel fior dei ani, altrochè! 😉

  4. Fiora ha detto:

    go calcolà mal , Maja, te ga ragion, ma a parte el svarion el quadreto te convinzi ?

  5. maja ha detto:

    me convinzi la malinconia, sì, ma solo per el brivido dela novità, non per l’eric de turno che ormai el gaverà anche lu el suo bel panzon.

  6. Fiora ha detto:

    Eric? mai più visto in sti vinti ani! ch’el ghe resti ‘ntel imaginario ” biondo era e bello e di gentile aspetto…”, no?

  7. Fiora ha detto:

    @Redazionnnn! e anche @Majaaa! grando scup ! Stamatina che portavo el can a pissar go visto un gnonfeto sui quaranta, zà un fià stempià, che ghe dava de pitura per rinforzr la scrita.
    ” Mr Eric, I suppose…” ghe fazo mi. “fate i ca.tu.!” el ga sibilà con odio…

  8. dimaco ha detto:

    era uno scoop perfetto se gli facevi una foto. all’eric no al can ch pissava ovviamente 🙂

  9. Fiora ha detto:

    o tegno el quadrupede o fotografo…fidite Dimaco! se no , next time together!

  10. Fiora ha detto:

    …Ciò Dimaco, me sa che se tentemo de imortalarlo a sto Eric, se rimediemo una querela o in subordine un …stramuson cadauno!

  11. Diego Manna ha detto:

    ah, el ripiturava?
    tropo facile cussì, alora gavemo scoperto el truco dela pitura eterna 😉

  12. Fiora ha detto:

    Sì , ma che resti tra noi, eh?!

  13. Paolo ha detto:

    no i fa più le piture de una volta….

  14. Tergestin ha detto:

    Ma alora xe un colega de Sabata (gavare’ conossudo la leggenda, spero) o zo’ de la’. No pol gaver tute le galine in caponera se rinforza una scrita de auguri de compleanno da quatro lustri!

  15. dimaco ha detto:

    no credo fiora. fose xe meio che stagi muto o xe beca una denuncia. da quel che so mi xe reato piturar sui muri. cmq tanto de capel per sto amor grando

  16. René ha detto:

    Ciò, ma no sarà miga el famoso Eric Moniga, che proprio vinti anni fa el xè emigrado in tel Novo Incontinente (Lammerica, negli stati che poi sono stati uniti) per deventar un tragico sosia de Elvis?

    P.s.: Anca sul muraglion del’ex cartiera Saul Sadoch, acanto a via Pollaiuolo (là de Montebello), ghe xè de oltre vinti anni na scrita ssai strana, opera dei Ultras.

  17. Fiora ha detto:

    Dale lontane Americhe, dopo vent’anni Eric è quiiii !
    Detaglio dopo detaglio in sto Eric similElvis dala biografia aventurosa e dal cuore tenero comincia a delinearse un candidato Sindaco con tuti i crismi, in lizza appunto col enigmatico 23-2 che tanto ne arovela…

  18. tomo ha detto:

    orpo, se savevo che drio sta scritta ghe xe un mato cattivissimo che ogni tanto torna a piturarla, no la segnalavo. ma son soddisfatto dela storia che xe venju fora. il mistero si risolve o infittisce?

  19. capitan alcol ha detto:

    Mi domando se a Trieste ci sia almeno una scritta normale sui muri tipo “Dio c’è”.
    😉

  20. Fiora ha detto:

    @18 Cos’ te disi tomo? el tuo dover civico te ga fato a segnalar! scherzemo?! come te gavessi podù continuar a passar e el mio can a…pissar de là senza solevar questa cortina de mistero?!
    El mato pò no xè ch’el sia “cativissimo” el xè un toco de pan, ma col ga ris’cià che mi lo smaschero el me se ga rivoltà contro come un tarantolà, perché ghe toca mantignir el mistero sula sua identità, per via che no lo scoverzi la famosa mula del compleano che lo ga molà vinti ani fà…el la ama in zito come… anche per via che lazò in ‘ntei USA el se ga sposà con una ‘mericana e che la ghe podessi far pupoli per sto suo romantico gesto ch’el rinova ogni volta che la scrita smarissi…un tipo tela de Penelope ala riversa come…

  21. Fiora ha detto:

    That’s Amore, tomo! ” tuo Eric forever” sul muro, altro che feisbuch!

  22. Andrea Vittorio ha detto:

    secondo mi Tommaso se ga inventà tutto!!!!

  23. Fiora ha detto:

    hihihi, Andrea! ‘desso manca solo che te ne riveli che Babo Natale no esisti e cussì no gavemo più gnente in cui creder…

  24. René ha detto:

    Dio c’è.. ma riceve solo per appuntamento!

  25. Fiora ha detto:

    Eco ciapa! gavevimo pur dito che resti tra noi…Chi xè stà ? Stamatina el mato piturava cola testa infasada…eh le ‘mericane co’ se inacorzi, miga ciacole “come hai potuto?”… LE MENA!

  26. René ha detto:

    El bon Eric Moniga, autor dela romantica scrita ultraventenal, xè oramai de un mucio de anni che se ga sposà co’ na ex lavandaia de Tupelo (Mississipi, USA & NASA). I se ga sposà un oto anni fa a Las Vegas, in t’una Wedding Chapel tacada de l’International Hotel. El prete che gaveva celebrà iera un certo mr. Richard Wayne Penniman, overo Little Richard in persona!

    Desso i dò, i vivi in t’una cocola caseta con giardin, ala periferia est di Birmingham (Alabama, sempre USA). Chissà se digitando su internet, el nostro Eric magari scoverà sta discussion? Discussion che, con la foto dela scrita, ghe farà vignir el magon, ricordandoghe de quando iera un giovine mulo de Trieste, inamorado de sta mula de 17 anni, mentre nela sua camereta de Rozzol, sonava na chitara scordada sognando el suo amor, e el Rock made in Usa.

    Drio na semplice scrita sul muro, na storia triestina..

  27. Diego Manna ha detto:

    Ciò Renè, te son un pozzo de cultura patoca incredibile 🙂

  28. Fiora ha detto:

    fantastico, René! tuto risolto dei! e ‘lora quel mato che go visto mi all’opera xè un incaricato by mr. Eric Moniga, Alabama USA…:)
    Resta ‘cora un mistero: la mula che fazeva 17 ani nel ’91…cossa te la ga sposada ti? 🙂

  29. René ha detto:

    No. No la go sposada mi. La mula, che ogi la ga 37, la se ciama Maria Susta (cugina del mitico Ucio Spinaza, scerifo de Rabuiese Village), e la xè comessa ale Tori.
    Sposada de un diese anni con tal Giani Piriavec, mulon de S.Dorligo (ex frequentador del’ostaria de Pepi, su a Botazo. Dopo che se ga sposà, el se ga dado na regolada)! 😀

  30. dimaco ha detto:

    ghe ga dà una regolada ,te vol dir. una volta sposadi le done tendia diventar dei capò

  31. Fiora ha detto:

    …Jessusmaria che storia! UN ROMANZO POPOLARE! altro che la scenegiata napoletana del compianto Mario Merola…co se metemo , noialtri patòchi no semo secondi a nissun!

  32. Diego Manna ha detto:

    atenzion: chi xe sto can zeudi?

  33. René ha detto:

    Ve meto al corente che recentemente el famoso regista Pupo Scavati, dopo gaver leto sta discussion con ssai piazer, el volessi subito incominciar a scriver la scenegiatura per farne un film. El titolo provisorio saria: “L’ultima fetta di Rigojanci”.

    Xè stadi già contatadi anca i atori, molti dei quali i ga zà lavora col Maestro.. per el momento, la scheda de parti-atori la saria questa:

    Eric Moniga: Pierfrancesco Favella

    Maria Susta: Jovanka Mezzanotte

    Ucio Spinaza: Carlo Xedospane

    Giani Piriavec: Riccardo Zamarzo

    Bepi de Botazo: Diego Manna

    Little Richard: Lorenzo Pilat (piturado de nero con l’uva de mio zio Pino Pinot, de Contovel)

    Lavandaia de Tupelo, atual moje de Eric: Guidobaldomaria Jorgio Jefferson J. J. Jr.

    Marine Martinez, croupier del’International Hotel di Las Vegas: Marino Martincich

    Controfigura de Eric (P. Favella), nele scene pericolose: Carmelo Lopersi

    El film, forsi sarà zà ultimado entro l’anno.

    Le riprese interne ambientade a Las Vegas, le vegnarà realizade a TS, in Porto Vecio (esterne, davanti ai casinò de Portorose, in Istrabenz), grazie ai contribudi finanziari emessi dal TMC, che no xè Telemontecarlo, ma el Trieste Monade Commission!

    El film, verrà promosso anca per radio. La radio testimonial del progeto sarà la nova emitente triestina (curada dal sotoscrito sotoscrivente petessonico) RBVV (Radio Baba Verba Volant).
    La stazion radio, oviamente la se trova a Monteradio, in Greta, anca perché se fazevo n’emitente televisiva dovevo per forza farla a Montevideo, che xè n’atimin più foraman de Greta.

    Prossimamente in qualche tv!

  34. René ha detto:

    @ Diego: El can Zeudi, xè el pastor tedesco del’ex atrice eritrea Zeudi Arayatykeroba!

  35. Fiora ha detto:

    @36 ciò René ma a a Tomo Scarcia, primo sogetista e responsabile dela foto, a René & Fiora i do’ autori del libreto del qual vegnerà trata la pelicola, COSSA GHE VIEN IN SCARSELA????
    …ufa sempre per la gloria qua! 🙂

  36. Diego Manna ha detto:

    @36:
    ah ah figada, ma mi no son ancora sicuro che farò bepi de botazo. el mato vol sfrutar le mie capacità de ator afermado per 1 sprtiz al mese, ma el mio sindacalista dei fiducia sta lotando per otener che el spritz gabi una scorza de limon dentro. vedemo come va. se no xe limon, no i me vedi miga, no posso svender le mie capacità artistiche 😉

  37. Fiora ha detto:

    unimose in ‘tun novo sindacato, el nomanoci.
    no mati no cine!

  38. Fiora ha detto:

    gnente ! iera una boza ! el sindacato podessi ciamarse più realisticamente, Nopanoci. No Patuss No Cine e con significato recondito No (semo) Panoci (lanfur)!

  39. susta ha detto:

    A scanso de equivoci devo precisar che la Maria Susta che parla René no son mi. Son anca mi M. Susta, però mi de nome me ciamo Mola.

  40. Fiora ha detto:

    @44 🙂 ! per evitar incresciosi equivoci causa omonimia, forsi quela dela scrita podessi identificarse come Maria Verigola.
    Sbaglio o ” Susta” val per ” verigola”?

  41. Fiora ha detto:

    Come, no se pòl?!
    Pur quel mato che se ciamava Mario Mona, co.’l ga volesto cambiar e i lo ga contentà subito.
    De quel giorno el ga sielto de ciamarse… Piero. Eh co’ xè in balo l’onorabilità, sì che se pòl! 🙂

  42. René ha detto:

    Certamente no volevo mandar in confusion.. e chi no conossi la famosa Susta Mola? A Trieste, xè de sempre un mito. L’Egregio Comm. Permaflex, proprio per questo ga deciso de evitar (no de evirar) la città giuliana (no valeria e nianca valeriana, intendo proprio giuliana) come meta per le sue ricerche storiche sulle ere materassiche preprotozoiche e protozoodilignano.

    Quel’altra, xè proprio Maria Susta, zà nata Marianna e cressuda Marilolina Bujor de Plucia (nome nobile), come sua nona, zà moje del nono paterno paternostro, che de zovine el iera un robusto rimurciador dela Tripcovich. Lo stesso po’ che per un periodo el gaveva lavorà anca come sfasciacaroze assieme a un abissin trapiantado (no nel vaso), che se ciamava Urremengu Makekebe.

  43. René ha detto:

    Tra l’altro, al’inizio dei anni trenta fu proprio el nono de Maria Susta ad acquistar al porto de Kappadistria (vizin el monte K2) na cavala un po’ bolsa, che gaveva la particolarità de.. strassinarse sempre coi posteriori. Cavala che un paio de deceni più tardi, come savemo, la xè deventada famosa con el nome de Cavala Zelante!

  44. René ha detto:

    Concludemo la discussion ala grande.. go finalmente trovà un video de Eric Moniga, mentre canta (canta.. insoma, disemo che rumor per uscir dala boca, esci) na canzon del suo mito, Elvis Aron Presley.

    Chissà che emozion per Maria Susta, se la passa de qui, riveder el suo primo amor!

    Grande Eric Moniga (e povero Elvis! Almeno beccassi una, digo una nota giusta.. )

    http://www.youtube.com/watch?v=B8vVo4jqWJE

  45. Fiora ha detto:

    …però, aldilà dei risultati l’impegno de sto Eric in tute le robe ch’el fa,sia ch’el canti sia ch’el scrivi sui muri…xè encomiabile!

    PS.va remenghis, Renè, mi ghe iero quasi cascada col riconosimento del autor dela scrita in via Forlanini ! e ‘ncora desso me resta qualche dubio che magari sia tuto vero….

  46. René ha detto:

    @ Fiora: E perché no dovessi esser veritiera sta storia de sti mati stimati? 😀

    E anche per oggi la storia storiosa e finita finitosa.. ci sentiamo tutti alla prossima fermata della corriera, laddove vissero tutti felici e bobici!

    Allakazam, prrrrrrrr.. esto!

  47. maja ha detto:

    In ricordo di Elvis e degli amori perduti. Riposino in pace.

    http://www.youtube.com/watch?v=DcJac6OykfM

  48. maja ha detto:

    macchè fantasma! si è reincarnato e vive tra di noi nei panni del cattivo tenente.
    http://www.youtube.com/watch?v=Tyzv7GR6YUg

  49. René ha detto:

    Sperando de no ‘ndar fora topic, concludo anca mi con Elvis, che tra l’altro xè el mio artista preferido, e quindi go voludo simpaticamente ficarlo in tel la storiela storielosa patocosa.

    Ve regalo dò chiche del miglior Elvis.. un gran blues, e un intenso gospel:

    http://www.youtube.com/watch?v=dLlM66Y16S8

    http://www.youtube.com/watch?v=mN8oN8I3lrk

  50. Fiora ha detto:

    Se con Elvis semo fora (topic) semo sempre drento a …bora.(la)
    Giuro una rima cussì mona, mai più! 🙁
    Però come el King xè solo uno. Tuti i altri son nisuno!

  51. René ha detto:

    Concordo con Fiora, ma son de parte, eh eh.. ritegno che solo Freddie Mercury, sia stado l’unico vero erede de Elvis Aron.

    E sognemo ancora:

    http://www.youtube.com/watch?v=Uw9V6SNKffE

Lascia un commento

Il tuo indirizzo email non sarà pubblicato. I campi obbligatori sono contrassegnati *