3 Agosto 2010

Quei moleti li ga pensadi Dio propio per le clanfe, comitato o non comitato. Intervista a Giovanni Gamboz, il re delle clanfe 2010

Non poteva mancare l’intervista al trionfatore della terza edizione dell’Olimpiade delle clanfe, Giovanni Gamboz, che ora si gode la clanfa d’oro preparando già le vanzade future…
Foto di Guendal Cecovini Amigoni.

Alora, chi xe Giovanni Gamboz?

Adeso como adeso stago piturando le finestre de casa, ma nn credo ke farò el falegname! Disemo ke l’intenzion xè quela de diventar prof al’università ma la strada xe ancora longa. Per adeso son laureà in “Statistica e Informatica per l’Azienda, la Finanza e l’Assicurazione” (nome sai longo ke disi ke so far un do conti), go apena finì de colaborar a un PRIN (Progeto Regional a Interese Nazional) che riguardava lo studio dele reti sociali fra un fraco de robe (insoma, casin dei) e a otobre inizio la specialistica in “Statistica Attuariale”. (Mal che vadi prof all’università dele clanfe dei, NDR)

A quando risali la prima clanfa?

Eh eh, te chiedi un po’ tropo dala mia memoria, ma te poso dir quando ke go imparà a nudar (esperienza traumatica!!). Gavevo 6 anni, mia mama me portava ale ginestre e me tufavo sempre da un moleto in acque tranquile (dove ke tocavo dei). Ciò un giro iera acqua alta e per non afogar go dovù rangiarme! Cmq credo de gaver inizià a far clanfe quando ke go inizià ad andar al mar coi mie amici tipo a 13-14 anni (va ti a saver…).

E l’ultima?

Beh facile, l’ultima la go fata in vasca de bagno 5 minuti fa!

E in mezo? Come devi alenarse un per far sti numeri mati?

Per alenarse ben bisogna asumer le posizioni dei tufi durante le ore de scola (5-6ore al giorno x 200 giorni all’anno fa + de 1000 ore de pratica sa?) discuter degli aspeti teorici coi compagni de tufi (forsi l’aspeto + importante!) e andar ai topi da aprile a ottobre tuti giorni!

Cossa se prova a vinzer l’olimpiade dele clanfe?

Vinzer fa sempre piazer, pò co te vinzi una gara de clanfe a Trieste… beh te se senti una boba!!(Anzi, te son AUTORIZÁ a sentirte una boba) Cmq son sai sodisfato anche perchè gl’anni scorsi iero andà sul podio ma non con la medaia de oro. Insomma, go fato un poco de zapping (MB) per vinzer sta benedeta medaia.

Te ga qualche dedica particolare?

La vitoria la dedico a mia morosa ke la me soporta sempre anca quando fazo el mona, al grupo bira e salsicia coi quai son sempre andà a far clanfini e a voi ke organizè una splendida festa x la clanfa. (grazie 🙂 NDR)

Cossa te ga vinto, che magari i letori no sa?

Alora, la lista dei premi xè parechio longa (tanto longa ke non sta nianca su un rotolone regina) ma me limiterò a riportar la medaglia d’oro alle olimpiadi invernali de sci nautico sul minestron, vinta de misura sui bacoli!

Xe vero che chi vinzi l’olimpiade dele clanfe dopo xe pien de babe?

Te dirò, mi go za la mia baba e credo che la relazion bisogni lezerla al contrario: xè + probabile ke vinzi un ke xè pien de babe! Voio dir, se un xè sai bravo a far clanfe alora el doveria eser como una zivola de mule (tanti cerci de babe; quele con high CTF factor + vicine e quele “Mah, cocola” + lontane); se no vol dir ke xè cisto e quindi nn ga nè baba nè speranze de vinzer. Take that! (el mulo sa, NDR)

El tufo col quale te ga vinto te lo gavevi provà anca l’ano scorso ma te ieri stà sfortunà sul mortaio. stavolta xe andada ben. te gavevi preparà anca altri tufi?

In realtà sarà un do annetti ke provo el Rodeo (un tufo sai casin: xè un mortal rovescià + 360 solo ke el giro te lo fa tipo in diagonale; cioè non te fa prima el giro e poi el 360, ma te fa tuto asieme!) Provando e riprovando go ciapà tuto… Schenade, musade, panzade, fiancade, incul… no, almeno quele no. Insoma casin dei…

E per el prossimo anno te ga za qualche idea?

Per el prosimo anno penso de sfrutar el meseto de corso ke iera nel premio x impararlo ben e difender el titolo.

Te piasi de più la clanfa, la bomba americana o el kamikaze?

Quel ke me piasi de + xè el kami, poi l’americana e poi la clanfa. L’unico problema del Kami xè ke se te se giri tropo presto te se ciapi dele sazie skenade

Te ga qualche teoria scientifica/fisica/quantistica da segnalar su sti stili? qual schiza de più?

Secondo mi, el kami xè quel ke rikiedi una preparazion tecnica + avanzada però non xè cazi ke tegni… la clanfa de Benich xè quela ke va + in alto ah!
Cmq, in termini de corporatura diria ke el kami xè el + aproprià per i moosati schile ecc. mentre la clanfa se addici de + ai calandroni. L’americana va ben per entrambi dei. (anche qua, se vedi che el mulo sa el suo. NDR)

Cronaca citadina: cossa te pensi dela letera de Franca C. Porfirio che ga definido i clanfadori “esibizionisti, trasandati, volgari e invadenti?

Penso ke quei ke xe contro i Clanfadori/Clanfisti xe dei ciompi invidiosi e bavosi… I pasa le giornade a veder ste bobe atorniai de CTF factor e se magna le onge perchè non ga pasà i anni d’oro dela muleria a far clanfini ai topi! Cusì, visto ke lori nn ga avù el piazer de eser un clanfista o la mula de un clanfista (Invidiada da tute le altre dela zivola CTF), i se vendica sula muleria per non riviver i ricordi atroci de una gioventù brusada a far setimane enigmistiche senza mai provar l’ebreza de un clanfin.
Cmq son pienamente d’acordo con quel ke ga dito quela tipa là!
Esibizionisti: i preliminari xè solo per atirar + CTF factor
Trasandai: tuto el giorno plasmai su un sugaman laido
Volgari: ruto e scoresa libera (almeno al’aria aperta dei)
Invadenti: dela serie capitan ovvio colpisi ancora… Minkia l’obietivo primario de un clanfin xe quel de skizar la gente e inondarli con l’acqua!

E del comitato anti-tuffi dell’8° topolin cos’te pensi?

Per quanto riguarda el comitato anti tufi bla bla bla… Ma mi digo, Barcola gaverà 3,5km… Ve servi proprio quei 30 metri de spazio fra l’ottavo e el decimo??? E poi, se ve dà fastidio i schizi del’acqua, perchè ve metè radenti el moleto??? Vardè ke per ciapar sol se pol anca andar sul terazo de casa sa!?!
Sugaman Diese iuri, con mastercard
Biglieto del Bus andata e ritorno 2 iuri, con mastercard
Romper le bale ai clanfisti, non ha prezzo
Cup souls (taza anime, se qualcun no saveva 😉 NDR)… ke i vadi a remengo suo

Dove te trovemo a far clanfe che cussì imparemo qualcossa?

Adeso ke son un poco + grandicello vario parechio i posti in cui vado a far el bagno, ma se devo far clanfini vado sicuramente ai topi!
Secondo mi quei moleti li ga pensadi Dio proprio x le clanfe; comitato o non comitato quei xè fati per tufarse

Ecco il tuffo della vittoria:

Ed ecco un kamikaze mortaio fatto poco prima, fuori gara:

Tag: , , .

10 commenti a Quei moleti li ga pensadi Dio propio per le clanfe, comitato o non comitato. Intervista a Giovanni Gamboz, il re delle clanfe 2010

  1. dimaco ha detto:

    Esse3ndo di gorizia mi sfugge la terminologia CTF factor. Qualcuno potrebbe spegarmi il significato dell’acronimo?

  2. Diego Manna ha detto:

    🙂
    cito:
    “The CTF(culotettefiga) factor is a rough esteem of how many mulettes you can see during the way”

    Fonte:
    Manna D. 2009. Miramare-Opicina: a preliminary study on the best bicycle way. Monon Behavior 69/90. Bianca&Volta edizioni. 😛

    Poi a causa del poco rigore sciementifico degli autori nela definizio ga cambià un poco de significato.
    Cmq una mula con high CTF factor me par traducibile con: pataton 😉

  3. bonalama ha detto:

    prin: progetto di RICERCA di interesse nazionale, ben ve vedo

  4. sindelar ha detto:

    Anche io sono un profano ma potreste spiegarmi le motivazioni che hanno portato la giuria a stabilire che il tuffo nel video fosse il migliore di tutti?

  5. godie ha detto:

    xe quel che impressionà de più la giuria,in base alla difficoltà,schizzo e stile,poi calcolando i coeficenti de difficolta da moltiplicar alla somma dei voti,porta proprio lui alla vittoria..e disemoselo…no xe che iera facile!!ghe ne iera de gente brava..lui xe sta più bravo!!

  6. dimaco ha detto:

    Io proporrei un ricerca su base scentifica per appurare a che livello e in che misura incidono le CTF factor sui prodi clanfatori.

  7. Matteo Apollonio ha detto:

    Idolo delle galassie per el Kami.

  8. Erika ha detto:

    😀 …volevo spiegar mi quela del CTF :)…ma gavevo el capo ale calcagna e no go rivado a slongar la man sul computer,mmmh…non el me lassa lavorar in pase! 😛
    Kami mortaio fantastico!!!…desso provo anche mi :)…sempre se rivo a fregarghe la bala al muleto dei vicini e se no me mazo de novo contro una porta per l’emozion de andar a far clanfe notturne in piscina!! 🙂

  9. brancovig ha detto:

    delizioso il master card pensiero

  10. Diego Manna ha detto:

    si el lavoro de giuria, per quanto burlone, no iera facile.
    in pratica el puntegio vien dado:
    voto da 1 a 5 su esecuzione tuffo (el clanfista dichiarava el tuffo che stava per eseguir), voto da 1 a 5 su schizzo. Tuto questo moltiplicato per coefficiente de dificoltà del tuffo, a seconda de quanti giri mortali, avvitamenti…ecc…
    a questo veniva aggiunto un bonus artistico da 1 a 5 legato al morbin, tipo per quei vestidi da aragosta o che se inventava robe cocole.

Lascia un commento

Il tuo indirizzo email non sarà pubblicato. I campi obbligatori sono contrassegnati *