15 Aprile 2010

Berlusconi: “A Trieste la scuola sulla sicurezza nucleare”. Siora Jole: “Te capirà, mi uso la tomica de ani anorum!”

Oggi puntata speciale della rubrica periodica a spizzico magnifico “el cantier de Ucio e Pino”, dedicata alla futura scuola sulla sicurezza nucleare di Trieste. Ascoltiamo il dialogo intercettato dei nostri cari veci de cantier Ucio e Pino.

SIORA JOLE E LA TOMICA

-Ara Ucio, mi me par che quel giovinoto là farà qualche monada con quela grua.
-Si anca mi credo, co ierimo putei noi no i ghe lassava ai novi doprar la grua. Ma desso xe tuto andà a remengo, xe la crisi, coss’te vol farghe
-A proposito, te ga sentì de Siora Jole?
-No, cossa?
-I la ga messa in canon e i ga butà via la ciave! Par che la gabi confessà de gaver casa armi de distruzion de massa
-Che massa? Quela del’impianto eletrico, che no fazi falische?
-Ma no, armi atomiche, nucleari, robe! No te sa niente? I ga dito che i ga intercetado una telefonada fra ela e Burlasconi. Burlasconi ga dito che i farà a Trieste una scola sula sicureza nucleare, e ela ghe ga dito “bravo lole, ara che mi uso la tomica de ani anorum e no me xe mai nato gnente!”…insoma dele some, tempo 2 minuti iera za le guardie a casa sua.
-Intercetai? Ma alora xe vero che i tigniva soto osservazion i telefoni de Burlasconi!
-Ma no, i tigniva soto osservazion el telefono de siora Jole, de quela volta che la ga scrito su segnalazioni che la ghe porterà al sior sindaco un sacheto pien de deiezioni canine che la trova sul suo marciapie e che el comun no neta mai!
-Povera siora Jole, malorsiga. Comunque me par ridicola sta scola, ga ragion siora Jole. Anca mia molie usa la tomica de ani e no la ga mai dovesto andar a scola. Mi digo che i fa ste robe solo che per insempiar la gente. O forsi sarà che sta muleria balorda no sa far gnente e ga bisogno de scole par tuto, anca par pissar del molo San Carlo.
-Te sa si. Me par adiritura che una rivista internazionale ga fato propio un studio sule pisade dal molo San Carlo e ga dito che per pissar più lontan de devi bever ‘ssai e sburtar. Te capirà che novità. Sta muleria xe propio grembana…noi no ierimo cussì. Ara el mulo con la grua presempio…in che man che semo…ocio schivite!
-Ah, no se pol gnanca più vardar un bel cantier in santa pase po’!

Quel dela Quela on Facebook
Tag: , , .

8 commenti a Berlusconi: “A Trieste la scuola sulla sicurezza nucleare”. Siora Jole: “Te capirà, mi uso la tomica de ani anorum!”

  1. susta ha detto:

    “…insoma dele some, tempo 2 minuti iera za le guardie a casa sua.”
    “I la ga messa in canon e i ga butà via la ciave! Par che la gabi confessà de gaver casa armi de distruzion de massa.”
    Ma mi go sentì che no la xe finida cussì, che a ‘ste guardie, come che le xe vignude fora del canon dove che le gaveva deposità la povera Siora Jole, ghe xe subito rivà per radiotelefono un altro ordine: “Recarsi imediatamente casa Siora Cate e arestare anche essa.”
    Pareria che la xe stada intercetada proprio in quel che la ghe contava ala gnora che la voleva far polenta e bacalà. “Go qua pronto un chilo e mezo de vero (u)ragno”, cussì la ghe ga dito.

  2. bonalama ha detto:

    elezioni in vista, ma la valvola, iole, la cambia la valvola?
    sapete come finirà, niente sicurezza, solo nucleare!!!

  3. Bibliotopa ha detto:

    Mama povera me diseva sempre: ti ga comprado l’atomica, sta atenta che no la sciopi!

  4. Silver servolan ha detto:

    Mi conosevo una Jole a Trieste spero che no sia la stessa; ma per prudenza go sepeli la atomica.

  5. brancovig ha detto:

    Mi me ricordo che de picio co’ fisciava la tomica in cusina me scondevo soto el tavolaz, cagà de paura.

    Bisogneria meter su un corso per la tomica già ala scola materna

  6. Diego Manna ha detto:

    mi digo che con la crisi anca el bacalà ormai xe povero, forsi siora cate ga dito de gaver un chilo e mezo de vero uragno impoverito..

  7. Flores ha detto:

    Siora Jole e siora Cate detigniva ‘tomica e uragno a chili?
    Ara mi digo sempre, nel ben e nel mal la dona triestina iera sempre più ‘vanti, ‘ncora ani anorum prima che i fazi feminismo….

  8. Bibliotopa ha detto:

    Però a mi siora Jole me ga mandado a dir che veramente ela la tomica la la “dopra”, , ecome, altro che quei che ga riferido che la la “usa”.

Lascia un commento

Il tuo indirizzo email non sarà pubblicato. I campi obbligatori sono contrassegnati *