25 Settembre 2009

El drama del pusher

Publichemo questa letera anonima, un ultimo grido disperato de un povero pusher che ne ga fato veramente comuover.

Carisimi compari de mile sventure, ve scrivo perché ormai go perso l’ultima bataglia, quela più importante, a causa de un mostro contro el qual nulla si puote. Son un pusher, o meio, iero un pusher. Vendevo sogni, illusioni, speranze a bon prezo, senza chieder niente su cosa spingessi i muli a vegnir de mi per procurarse la roba. Mi me fazevo sempre i afari miei e a tuti ghe andava ben cusì. Ma desso, desso che xe rivà LUI, ormai go perso tuto, no poso competer in nisuna maniera e me sa che doverò cercarme un novo lavor. Oviamente parlo de lui, de FACEBOOK, de chi se no. Prima che el rivasi lui i ultimi giorni de scola tuti veniva de mi a chiederme i anuari dele scole con le foto de tute le clasi per vardar dove iera le mule più bele, per saver chi puntar durante l’estate o l’anno dopo. “EL CATALOGO”, lo ciamavimo in gergo. Particolarmente ricercado xe sempre stado el catalogo del Petrarca. Ma desso che xe lui, facebook, xe tuto più facile, nisun vien più de mi a chieder el catalogo…desso i muli basta che se registri con un nome universalmente riconosù come cocolo, tipo EL CAN DE TRIESTE, LA CAVALA ZELANTE, l’OIO DE TRICHECO, el TORERO MANOLITO, el MAGO DE UMAGO, GIGI PIROLA, FREGO LE FREGOLE o VINICIO BUSSANI, e in pochi giorni i diventa amici de meza trieste, con libero accesso a tuti i album fotografici de tute le mule. Cossa posso far mi contro de sto mostro? Niente, son destinado al’estinzion…e con questa mia ultima lettera ve digo addio, e cedo el passo alla rete. Meno internet e più cabernet!

Straziati da questa testimonianza dei tempi che cambia, scoltemo cossa ga de dirne Riki Malva in proposito…

Tag: , , , .

Lascia un commento

Il tuo indirizzo email non sarà pubblicato. I campi obbligatori sono contrassegnati *