9 giugno 2009

El quel dela quela: El momento dela Iazada

Diego Manna, fine ricercatore accademico di prestigio internazionale, già curatore della rivista scientifica Monon Behavior, inizia una collaborazione su Bora.La con la rubrica ‘El quel dela quela’ (la foto qua sotto è di Giancarlo Massari)

'Amore o gelosia?'

Un per de giorni fa in zona piaza unità ghe xe sta el secondo Iazadi, also known as Frozen, originale manifestazion in cui bisogna star fermi imobili per tre minuti.

Bon, visto che a star fermi semo tuti bravi e no xe sai fadiga, go partecipado attivamente (???) al’evento. Devo dir che “star fermi imobili per tre minuti” xe bastanza ridutiva come descrizion, visto che tantisimi se ga inventado scenete particolari sai cocole (come testimonia la foto de Giancarlo Massari).

Comunque, tuto organizado sai ben, se se ritrova, se bagola a caso, se convergi in un punto stabilì e al suono della sirena tuti se bloca. Per la cronaca, al suono dela sirena go ciapà paura e son rimasto tre minuti come un pampel. Ma tre minuti veramente sureali, durante i quali el tuo mondo se ferma ma quel fora no, per cui te senti i commenti de quei che passa (“Ma cossa fa sti mati? Sarà una forma de protesta!”) e te vedi le persone rider e farse foto con ti de sfondo, che no te pol reagir in nisuna maniera.

Insoma, per eser una monada (savemo tuti che el termine a Trieste ga acezione positiva), xe veramente una gran figada, de rifar asolutamente. Quanti ierimo? 105 de tute le categorie, dai muleti ai muloni ale vecie bobe, tuti IAZADI, nonostante el gran caldo che voleva squaiarne.

Dei compra anca ti el Monon Behavior

Tag: , .

3 commenti a El quel dela quela: El momento dela Iazada

  1. Eric

    Bravi tuti!

  2. Pingback: Savon & Bora: bolle di sapone a Trieste | Bora.La

Lascia un commento

Il tuo indirizzo email non sarà pubblicato. I campi obbligatori sono contrassegnati *